Scottish Traditional(around 1745)
Donald's gane up the hill hard and hungry.
Donald's come doon th' hill, wild and angry!
Donald will clear the gouk's nest cleverly;
Here's to the King and Donald MacGillivray!
Come like a weighbauk, Donald MacGillivray!
Balance them fair, and balance them cleverly!
Off wi' the counterfeit, Donald MacGillivray!
Donald's run o'er the hill but wi' his tether, man,
As he were wud, or stang'd wi'an ether, man,
When he comes back, there's some will look merrily!
Here's t'King James and Donald MacGillivray!
Come like a weaver, Donald MacGillivray!
Pack on your back, and elwand sae cleverly;
Gi' them full measure, my Donald MacGillivray!
Donald has foughten wi' rief and wi' rougery;
Donald has dinner'd wi' banes and beggary,
Better it were for Whigs and Whiggery:
Meetin' the Devil, than Donald MacGillivray!
Come like a tailor, Donald MacGillivray!
Push about, in and out, themble them cleverly!
Here's tae King James and Donald MacGillivray!
Donald's the callan that brooks nae tangleness;
Whigging and prigging, and a' newfangledness;
They maun be gane; he winna be baukit, man;
He maun hae Justice, or, faith, he'll take it, man!
Come like a cobbler, Donald MacGillivray!
Beat them, and bore them, and lingel them cleverly!
Up wi' King James, and Donald MacGillivray!
Donald was mumpit wi' mirds and mockery,
Donald was blinded wi' blads o'property;
Arles ran high, but makin's were naethin', man!
Lord, how Donald is flyin' and frettin', man!
Come like the devil, Donald MacGillivray!
Skelp them and scaud them that proved sae unbritherly!
Up wi' King James and Donald MacGillivray!